FLASH
Shkruar nga Pamfleti
Një sherr me thika ka ndodhur ditën e sotme në Kukës, ku ka mbetur i plagosur një 28-vjeçar.
Mësohet se autor i kësaj ngjarjeje është një 24-vjeçar. Ai është identifikuar dhe policia po punon për kapjen e tij.
Paraprakisht dyshohet se mes të dyve ka pasur një konflikt të çastit që ka çuar në përdorimin e thikës. I plagosuri është dërguar në spitalin e Traumës ku po merr mjekim dhe ndodhet jashtë rrezikut për jetën.
"Plagosi me mjet prerës (thikë), një 28-vjeçar, për shkak të një konflikti të çastit mes tyre, Policia identifikon autorin dhe vijon punën për kapjen e tij.
Menjëherë pas marrjes së njoftimit se në spitalin e Kukësit ishte dërguar për të marrë ndihmë mjekësore, shtetasi me iniciale A. E., 28 vjeç, banues në Kukës, i plagosur me mjet prerës thikë, specialistët e Seksionit për Hetimin e Krimeve në DVP Kukës, në bashkëpunim me Komisariatin e Policisë Kukës, në drejtimin e Prokurorisë, kanë nisur veprimet hetimore për zbardhjen e rrethanave të plagosjes.
Nga veprimet hetimore ka rezultuar se shtetasi A. E. ishte plagosur me mjet prerës (thikë), nga shtetasi R. C., 24 vjeç, banues në Kukës, gjatë një konflikti të çastit mes tyre. Mësohet se shtetasi me iniciale A. E. po merr asistencë mjekësore në Spitalin e Traumës dhe është jashtë rrezikut për jetën.", njofton policia.
Lini një Përgjigje