FLASH
Shkruar nga Pamfleti
Një tjetër i dyshuar është vënë sot nën akuzë për vrasjen e 38-vjeçarit shqiptar Selavdi Shehaj.
I riu u ekzekutua me disa plumba në një plazh në bregdetin italian.
Akuza është ajo e bashkëpunimit në vrasje, e njëjta për të cilën Giuseppe Molisso, Raul Esteban Calderon dhe Enrico Bennato janë tashmë në gjyq në Frosinone. Mediat italiane shkruajnë se ai është personi i gjashtë i përfshirë në pritën mafioze të Torvajanicës dhe bëhet fjalë për një shqiptar.
Më 20 shtator 2020, në fabrikën e Bora Bora u ekzekutua Simone, pseudonimi i Shehajt, i njohur ndryshe edhe si Passerotto.
Dy të shtëna në pjesën e qafës shkaktuan goditjen fatale. Autorë të vrasjes ishin Bennato dhe Calderon, ky i fundit i cili ndodhet gjjithashtu në gjyq në Romë si vrasës i Piscitellit.
Argjentinasi kishte planifikuar vrasjen e Passerotto-s së bashku me Giuseppe Molisso, një burrë nga klani sienez, i dyshuar se qëndronte gjithashtu pas krimit ndaj Diabolik. Për të shtënat fatale në plazh akuzohet edhe Guido Cianfrocca, i cili ka qëlluar me armë dhe Luca De Rosa i cili sipas Prokurorisë së Romës ka siguruar motorin e përdorur për të kryer vrasjen.
Ndër kontaktet e Simones janë ato me disa anëtarë të grupit shqiptar, aleatë të Piscitellit. I njëjti grup që, sipas dokumenteve të fundit, u organizua për t’u hakmarrë për vdekjen e Diablo-s, i atribuar Molisso dhe Leandro Bennato. Vrasja e Passerotto-s ishte pjesë e këtij konflikti. Dënimi do të jepet më 3 qershor.
Lini një Përgjigje