FLASH
Shkruar nga Pamfleti
Një 55-vjeçar i identifikuar si Artur Karati është ndaluar nga policia e Tiranës, për mashtirm. 55-vjeçari mësohet se ka përdorur fotografinë e një të mituri të sëmurë për të përfituar para online.
Siç bëhet me dije, ai kishte hapur një profil fals në Instagram dhe kërkonte para, duke thënë se do të përdoreshin për kurimin e të miturit.
Pre e këtij mashtrimi mësohet se kanë rënë 117 shtetas të cilët kanë dërguar donacione në llogarit e këtij të fundit. Sakaq, janë proceduar penalisht dy shtetas të tjerë.
Njoftimi i Policisë:
Finalizohet operacioni policor i koduar “Fraud”, nga Sektori për Hetimin e Krimeve Kibernetike, në bashkëpunim me Seksionin e Forcës së Posaçme Operacionale.
Ndalohet 55-vjeçari , i cili me anë të mashtrimit kompjuterik, ka përfituar shuma parash me pretendimin për të ndihmuar një të mitur të sëmurë, për kurimin e tij. Procedohen penalisht në gjendje të lirë 2 shtetas të tjerë.
Specialistët e Sektorit për Hetimin e Krimeve Kibernetike, në bashkëpunim me Seksionin e Forcës së Posaçme Operacionale, kanë ndaluar shtetasin në kërkim A. K., 55 vjeç, banues në Përmet. Gjithashtu, referuan materialet në Prokurori ku nisi procedimi në gjendje të lirë për shtetasit S. K., 42 vjeç dhe B. I., 47 vjeç, të dy banues në Tiranë.
Shtetasi A. K., me anë të mashtrimit kompjuterik të kryer nga një profil fals në rrjetin social Instagram, duke përdorur fotografi të marra në internet, të një shtetasi të mitur të sëmurë, ka përfituar shuma parash nga shtetas të ndryshëm, me pretendimin se do të përdoreshin për kurimin e të miturit.
Nga veprimet paraprake janë dokumentuar me prova ligjore 117 transaksione bankare që janë kryer nga shtetas shqiptarë, të cilët janë mashtruar nga profili fals në Instagram. Punohet për identifikimin e shtetasve të tjerë të implikuar në këtë rast. Materialet procedurale i kaluan Prokurorisë.
Lini një Përgjigje