FLASH
Shkruar nga Pamfleti
Mediat franceze i kanë kushtuar një artikull një prej personave të botës së krimit, Behar Bajrit, i cili u arrestua dy ditë më parë në një lokal në Strasburg, pasi ishte shpallur në kërkim në kuadër të operacionit “Metamorfoza”.
Në artikull thuhet se autoritetet franceze u kanë dërguar një mesazh drejtuesve të organizatave kriminale në Evropën Lindore, ku thuhet se: “Franca nuk është dhe nuk do të jetë pika e kthimit e mafies shqiptare”.
Bajri ishte në kërkim ndërkombëtar si pjesë e dosjes Metamorfoza. Në momentin e arrestimit, mësohet se Bajri nuk ka bërë rezistencë ndaj oficerëve të policisë, ndërsa nuk iu gjet as ndonjë send i jashtëligjshëm me vete, si armë.
Hetimet nisën në 2019-ën pasi autoritetet belge dhe holandeze siguruan komunikime në rrjetin “Enchro Chat” dhe “SKY”. Nga hetimet rezultoi se biznesmeni Pëllumb Gjoka, tashmë i arrestuar, ka kërkuar nga Behar Bajri që të kryente vrasjen e Kleanthi Musabelli një ish-punonjës i policisë së burgjeve.
Si pjesë e kësaj dosje u arrestuan edhe biznesmeni Pëllumb Gjoka, ish prokurori i Kukësit Xhevahir Lita dhe kreu i Forcave Operacionale, Oltion Bitri. Ndërsa u zbardhën vrasje e tentativa vrasjesh në Shkodër e Tiranë.
Artikulli i plotë:
Sipas informacioneve të Europe 1, Behar Bajri është arrestuar nga hetuesit francezë të hënën në Strasburg. I kërkuar nga Interpoli dhe i dyshuar si i përfshirë në atentatin ndaj njërit prej rivalëve të tij, ai do të ekstradohet dhe do t'i dorëzohet autoriteteve shqiptare.
“Franca nuk është dhe nuk do të jetë pika e tërheqjes për mafian shqiptare”. Me këtë arrestim, ky është mesazhi që autoritetet franceze po i dërgojnë drejtuesve të organizatave kriminale në Evropën Lindore.
Sipas informacioneve të Europe 1, një drejtues i njohur klani shqiptar në arrati është gjetur dhe arrestuar të hënën në Strasburg nga policia gjyqësore franceze. Behar B., 43 vjeç, konsiderohet kreu i një klani kriminal shqiptar. Ai dyshohet gjithashtu se është përfshirë në atentatin e një prej rivalëve të tij në Shkodër në veri të Shqipërisë në gusht 2020.
Prokuroria Kombëtare Shqiptare e ngarkuar me luftën kundër krimit të organizuar lëshoi një urdhër-arresti më 26 korrik, të shpërndarë me një njoftim të kuq të Interpolit. Falë hetimeve telefonike, hetuesit e Brigadës Kombëtare të Kërkimit të Arratisur (BNRF) të Zyrës Qendrore për Luftën kundër Krimit të Organizuar (OCLCO) arritën të lokalizojnë kriminelin në qytetin e Strasburgut.
Kanë qenë policët e BRI-së në zonën Lindore që e prangosën të hënën, duke iu drejtuar zyrës së Prokurorit të Përgjithshëm të Colmar. Para se të burgosej të martën në qendrën e paraburgimit të Strasburgut, në pritje të ekstradimit të tij në Shqipëri. Sipas informacioneve nga Europe 1, Behar Bajri kishte aplikuar për azil në vitin 2021 në Francë.
Lini një Përgjigje