FLASH
Shkruar nga Pamfleti
Mbrëmjen e djeshme, në Korçë, 46-vjeçari Aleko Myrtollari plagosi me thikë bashkëshorten e tij pas një konflikti në familje.
38-vjeçarja Manjola Myrtollari është dërguar në spital në gjendje të rëndë shëndetësore, ndërkohë policia vijon kërkimet për kapjen e autorit.
Autori i ngjarjes është larguar nga banesa dhe është shpallur në kërkim nga policia.
Sipas fqinjëve ai kryente punë sezonale në Gjermani dhe kishte ushtruar dhunë dhe më herët kundrejt bashkëshortes për shkak të përdorimit të alkoolit dhe xhelozisë.
Ka qenë vajza 16-vjeçare, që pasi u rikthye ne banesën me qira në lagjen 10 të Korçës, ka gjetur nënën të gjakosur dhe ka njoftuar policinë. Ndërsa, 46-vjeçari u largua pas krimit dhe ndodhet në kërkim.
Sipas informacioneve nga vendngjarja, thuhet se çifti kishte prej kohësh grindje mes tyre. Ata lanë jetën në Tiranë rreth një muaj më parë për të jetuar në Korçë, ndërsa mësohet se bashkëshorti ka qenë i dhunshëm pasi ishte edhe konsumues edhe i alkoolit.
Ai ka punuar jashtë shtetit për pak muaj, ndërsa bashkëshortja ishte e papunë.
Lini një Përgjigje