FLASH
Shkruar nga Pamfleti
Një 59-vjeçar është arrestuar nga policia e Matit pasi akuzohet për armëmbajtje pa leje.
Uniformat blu bëjnë me dije se pas kontrolleve në banesën e 59-vjeçarit u gjetën dhe sekuestruan në cilësinë e provës materiale, një armë zjarri kallashnikov dhe 813 fishekë luftarak.
"Shërbimet e Komisariatit të Policisë Mat, në vijim të punës për parandalimin dhe goditjen e veprimtarisë kriminale të armëmbajtjes pa leje, bazuar dhe në informacionet e siguruara në rrugë operative, se një shtetas mbante armë zjarri, kanë organizuar dhe finalizuar operacionin policor të koduar “Burgajeti”.
Si rezultat i operacionit, u bë arrestimi në flagrancë i shtetasit Rr. M., 59 vjeç, banues në fshatin Burgajet, pasi shërbimet e Policisë gjetën të fshehura në banesën e tij, një armë zjarri kallashnikov dhe 813 fishekë luftarak, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale “Mbajtja pa leje dhe prodhimi i armëve, armëve shpërthyese dhe i municionit”", njofton policia.
Lini një Përgjigje