FLASH
Shkruar nga Pamfleti
Një automjet ka dalë nga rruga,në periferi të qytetit të Këlcyrës duke shkaktuar plagosjen e shoferit.
Aksidenti është regjistruar në rrugën kombëtare Këlcyrë-Përmet, në dalje të qytetit të Këlcyrës. Një mjet tip ‘Opel’ ka dalë nga rruga duke përfunduar në kanalin anësor.
Drejtuesit të mjetit i është dhënë ndihma e parë ndërsa është transportuar për në spital. Dyshohet që shkak i aksidentit të ketë qenë lagështia në rrugë për shkak të reshjeve të shiut.
Sipas zjarrfikësve të Këlcyrës, menjëherë i është dhënë ndihma e parë shoferit të makinës, i cili është nga Shkodra.
Duke qenë se makina përdorte si karburant gazin e lëngshëm është ndërhyrë për çmontimin e impiantit elektrik, baterisë që rrezikonte shpërthimin.
Lini një Përgjigje