FLASH
Shkruar nga Pamfleti
Një 41-vjeçar ka rënë në prangat e Policisë në Shkodër, pasi u kap me rreth 10 kilogramë Cannabis sativa, si dhe me mjete që dyshohet se do të përdoreshin për trafikimin e saj.
Gjatë kontrollit të ushtruar në një banesë të vjetër në përdorim të tij, shërbimet e Policisë gjetën dhe sekuestruan një sasi prej rreth 10 kilogramësh kanabis, e cila u mor në cilësinë e provës materiale.
Po ashtu, u sekuestruan një automjet me targa të huaja dhe dy motobarka, për të cilat dyshohet se do të përdoreshin për transportimin dhe trafikimin e lëndës narkotike.
"Si rezulat i hetimeve të kryera nga Seksioni për Hetimin e Narkotikëve, nën drejtimin e Prokurorisë Shkodër për një rast të veprimtarisë kriminale në fushën e narkotikëve, u finalizua operacioni i koduar “Kosani”, në kuadër të të cilit u arrestua shtetasi:
-A. Sh., 41 vjeç, banues në fshatin Aliaj.
Gjatë kontrollit në banesën e vjetër të këtij shtetasi, u gjet një qese me lëndë të dyshuar Cannabis Sativa, me peshë rreth 10 kilogramë, e cila u sekustrua në cilësinë e provës materiale.
Gjithashtu, u sekuestruan në cilësinë e provës materiale, një automjet me targa të huaja dhe 2 motobarka që dyshohet se ky shtetas do t’i përdorte për trafikimin e lëndës narkotike.
Vijojnë hetimet për dokumentimin e kësaj veprimtarie kriminale.
Materialet procedurale i kaluan Prokurorisë, për hetime të mëtejshme", njofton policia.
Lini një Përgjigje