FLASH
Shkruar nga Pamfleti
Një 38-vjeçar i shpallur në kërkim është arrestuar nga policia e Pogradecit pasi akuzohet për trafikim të lëndëve narkotike.
Uniformat blu raportojnë se i arrestuari Klevis Melani ishte shpallur në kërkim, pasi në bashkëpunim me persona të tjerë, tentoi të trafikonte lëndë narkotike nga Shqipëria drejt Maqedonisë së Veriut.
Njoftimi i policisë:
Korçë/Vijon operacioni policor antidrogë i koduar "Hudënishti".
Kapet dhe vihet në pranga një shtetas i shpallur në kërkim në kuadër të këtij operacioni. Specialistët për Hetimin e Krimeve të Komisariatit të Policisë Pogradec ndaluan shtetasin në kërkim Klevis Melani, 38 vjeç, banues në Tiranë, të cilit Gjykata e Rrethit Gjyqësor Pogradec i ka caktuar masën e sigurisë "Arrest në burg", për veprën penale "Trafikimi i narkotikëve", kryer në bashkëpunim.
Ky shtetas ishte shpallur në kërkim në kuadër të operacionit policor antidrogë të koduar "Hudënishti", të zhvilluar më datë 13.09.2021, pasi në bashkëpunim me shtetas të tjerë, tentoi të trafikonte lëndë narkotike, nga Shqipëria drejt Maqedonisë së Veriut. Materialet procedurale i kaluan Prokurorisë, për veprime të mëtejshme.
Lini një Përgjigje