FLASH
Shkruar nga Pamfleti
Është publikuar fotoja e 32-vjeçarit Jurgen Gjonaj, i cili dyshohet nga autoritetet si personi që ka vendosur dhe më pas ka aktivizuar lëndën plasëse në automjetin e 36-vjeçarit Oltjon Klosi.
Sipas policisë, Gjonaj nuk ka vepruar i vetëm, pasi dyshohet se është ndihmuar nga gjashtë persona të tjerë në organizimin dhe realizimin e atentatit.
Hetimet paraprake tregojnë se lënda plasëse është vendosur për llogari të Sabah Nuzit, i cili aktualisht ndodhet në burg dhe është përfshirë në disa çështje të rënda kriminale.
Grupi hetimor po punon për të identifikuar dhe arrestuar të gjithë personat e përfshirë, ndërsa po analizohen provat dhe komunikimet që mund të hedhin më shumë dritë mbi organizimin e atentatit.
Ngjarja ka ndodhur mëngjesin e datës 10 mars, ndërsa hetimet zbuluan se porosia ishte dhënë nga burgu i Fushë Krujës.
Të arrestuarit janë Renato Balla, Jurgen Gjonaj, Eklips Leti, Kristjan Ahmerama, Glentjan Kojtari, Dorjan Hamolli dhe Geris Molla. Ndërkohë porositësi është Sabah Nuzi, i cili ndodhet në IEVP e Fushë Krujës.
Sabah Nuzi, i arrestuar me urdhër të SPAK për vrasjen e Klevis Lleshit në vitin 2020 dhe më pas groposjen në një fshat të Kurbinit, rezulton person me precedentë penalë. Në vitin 2020, Nuzi u arrestua nga Policia e Matit pasi kishte qëlluar me armë në ajër dhe kishte kërcënuar një 26-vjeçar.
Lini një Përgjigje