FLASH
Shkruar nga Pamfleti
Policia e Shtetit arrestoi në Tiranë një 52-vjeçar, i dënuar në Itali, me 21 vite burg, si pjesëtar i një organizate kriminale që operonte në fushën e trafikimit të lëndëve narkotike.
I arrestuari është Artur Sallaku, i cili u vu në pranga në kuadër të operacionit të koduar “Operacionalja 30”.
“Si rezultat i shkëmbimit të shpejtë të informacioneve, me homologët italianë, policinë e Casertës, Zyrën e Ekspertit për Sigurinë në Shqipëri dhe Drejtorinë Qendrore të Policisë Kriminale dhe Shërbimit për Bashkëpunimin Ndërkombëtar te Policisë, për kapjen e një shtetasi shqiptar të kërkuar ndërkombëtarisht për llogari të Italisë, në kuadër të operacionit policor të koduar “Operacionalja 30”, u kap në Tiranë dhe u arrestua provizorisht, për t’u ekstraduar në Itali, shtetasi Artur Sallaku, 52 vjeç, i lindur në Tiranë”, njoftoi Policia.
Ndaj këtij shtetasi Giykata e Santa Maria Capua Vetere, në vitin 2004, ka dhënë vendimin me dënimin me 21 vite burg, për veprën penale “Trafikimi i lëndëve narkotike”, kryer në kuadër të organizatës kriminale.
Interpol Tirana vijon bashkëpunimin me Interpol Romën, për ta ekstraduar këtë shtetas, në Itali.
Lini një Përgjigje