
Pas disa orësh kërkimesh intensive, janë gjetur dy turistët suedezë, nënë dhe bir, të cilët ishin raportuar të humbur më herët gjatë ditës në Parkun Kombëtar të Llogarasë.
Në operacionin e kërkimit u angazhuan forcat e Emergjencave Civile, Agjencia e Zonave të Mbrojtura (ADZM) dhe Policia e Shtetit.
Dy turistët u lokalizuan në vendin e quajtur “Qafa e Thellë”, në një zonë të pyllëzuar dhe me terren të vështirë.
Fatmirësisht, të dy janë në gjendje të mirë shëndetësore, teksa u dërguan në spital për kontroll mjekësor.
Lini një Përgjigje