FLASH
Shkruar nga Pamfleti
Policia greke ka arrestuar 3 shqiptarë të shpallur në kërkim në Greqi dhe Zvicër.
Mësohet se në pikën e kalimit kufitar të Kakavijës, u arrestuan dy shqiptarë, ndaj të cilëve pritej të zbatohej dënimi nga Gjykata Tre-Anëtarëshe e Apelit për Krime të Maqedonisë Perëndimore me 1 vit burg dhe nga Gjykata Një-Anëtarëshe e Kundërvajtjeve të Follorinës, me gjobë prej 1500 eurosh, konkretisht për shkelje të legjislacionit për të huajt.
Ndërsa në Janinë, u arrestua nga oficerët e policisë të Nëndrejtorit të Ndjekjes dhe Hetimit të Krimeve një tjetër shqiptar. Pas verifikimeve policore, ndaj tij ishte lëshuar një urdhër arresti evropian nga autoritetet zvicerane pas akuzave për drogë, të cilat sipas ligjit zviceran dënohen me një dënim maksimal prej 20 vitesh burgim. I arrestuari është shoqëruar në prokurorinë përkatëse.
Ende nuk dihen identitetet e 3 shqiptarëve të arrestuar.
Lini një Përgjigje