
Drejtori i një banke në Kukës është dhunuar nga një 41-vjeçar kosovar ditën e sotme në ambientet e punës. Policia bën me dije se kosovari ka rënë në prangat e policisë.
41-vjeçari nga Prishtina dyshohet se ka goditur disa herë me grushte brenda ambienteve të bankës, personin që e denoncoi dhe më pas është larguar.
Gjatë ndalimit atij i janë sekuestruar mbi 16.000 euro, por edhe një mjet prerës
"Kukës/Finalizohet nga Komisariati i Policisë Kukës, operacioni policor i koduar “Office”. Goditi me grushte, për shkak të detyrës, drejtorin e një banke në qytetin e Kukësit, arrestohet në flagrancë 41-vjeçari (shtetas kosovar). Sekuestrohen 16 813 euro, një mjet prerës (kosore), dokumente dhe sende të tjera, që u gjetën gjatë kontrollit në automjetin e 41-vjeçarit.
Shërbimet e Komisariatit të Policisë Kukës, pas marrjes së kallëzimit nga shtetasi S. G., me detyrë drejtor i një banke në qytetin e Kukësit, se ishte goditur për shkak të detyrës nga një shtetas, në ambientin e punës, kanë organizuar punën për kapjen e tij.
Në kuadër të operacionit policor të koduar “Office”, u kap dhe u vu në pranga shtetasi A. M., 41 vjeç, banues në Prishtinë, i cili dyshohet se ka goditur me grushte shtetasin S. G. dhe më pas është larguar nga banka. Pas ndalimit nga Policia, gjatë kontrollin në automjetin e tij, janë gjetur 16 813 euro pa dokumentacion që tregon burimin e tyre, një mjet prerës (kosore), dokumente dhe sende të tjera, të cilat u sekuestruan në cilësinë e provës materiale, bashkë me automjetin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme, për veprat penale “Goditje për shkak të detyrës” dhe “Pastrimi i produkteve të veprës penale ose veprimtarisë kriminale”", njofton policia.
Lini një Përgjigje