FLASH
Shkruar nga Pamfleti
Vijon edhe sot seanca në GJKKO ku i penduari i drejtësisë Nuredin Dumani po merret në pyetje nga avokati i Henrik Hoxhajt.
Avokati i Hoxhës, i ka bërë pyetje lidhur me vrasjen Elvis Dedajt, i cili u ekzekutua në vitin 2012.
Dumani është shprehur se lajmin për vrasjen e Dedajt, ia ka dhënë miku i tij Festim Qoli, me të cilin thotë se pas ngjarjes kanë shkuar te zona e Shkëmbit të Kavajës për të kërkuar armën.
Më tej, ai tregon se Qoli ishte person që takohej me shumë zyrtarë të Policisë.
Pjesë nga marrja në pyetje në sallën e gjyqit:
Avokati: Si ke marre dijeni për vrasjen e Ervis Dedës?
Dumani: Kam ardhur në dijeni sepse ma ka dhënë Festimi. Kur jam takuar me Festimin kemi shkuar të shkëmbi Kavajës për të kërkuar armën.
Avokati: Si je njohur me Festimin?
Dumani: Jemi njohur për shkak të një konflikti në lokalin e tij
Avokati: Pas njohjes me Festimin keni patur shoqëri të qëndrueshme?
Dumani: Po kemi patur.
Avokati: Shoqëroheshit me njeri-tjetrin?
Dumani: Po. Shoqëroheshim në dreka darka kur mundeshim. Deri në 2022 kur jam arrestuar
Avokati: Si komunikoje me Festimin?
Dumani: I thoja djalit të tezes që punonte te lokali.
Avokati: Çfarë te ka thënë Festimi për vrasjen e Elvis Dedës?
Dumani: Makinën që përdorën në vrasje ja sollën Festimit nga Fushë Kosova. Elvis Deda ose Losha ka qenë duke drekuar. E ka gjuajtur Enriku dhe ka dalë edhe Festimi që ishte shofer. Kanë djegur makinën dhe kanë ikur për disa km në këmbë. Këto mi ka thënë Festimi.
Lini një Përgjigje