FLASH
Shkruar nga Pamfleti
Nga këqyrja, ka rezultuar se në asnjë moment në makinën e autorëve nuk janë hapur xhamat në asnjë moment, pasi ka qenë edhe i parkuar.
Policia ka këqyrur një sërë kamerash sigurie për të identifikuar vrasësit e Klaudio Prendit. Nga kamerat është vërejtur se përgjatë rrugës "Xhanfize Keko", automjeti "Audi" i autorëve ka lëvizur përgjatë zonës për rreth një orë para krimit.
Ky fakt përforcon dyshimet e policisë se ata kanë ndjekur lëvizjet e objektivit dhe kanë pasur dijeni të plotë që gjendej në lokal.
Nga këqyrja, ka rezultuar se në asnjë moment në makinën e autorëve nuk janë hapur xhamat në asnjë moment, pasi ka qenë edhe i parkuar. Bashkë me viktimën në lokal kanë qenë edhe 3 efektivë policie, miq të tij.
Dy prej tyre e kanë dërguar menjëherë në spital drejt Traumës, ndërsa efektivi i tretë është vënë në ndjekje të autorëve, por mjeti "Audi" ka humbur gjurmët pa shkuar te rrethi i Shkozës.
Nga ana tjetër policia do të verifikoj edhe njëherë pamjet e kamerave të sigurisë në zonën e Liqenit Artificial ku një vit më parë u vodh automjeti i autorëve, për të cilin autoritet greke janë kontaktuar për targat nëse janë të vjedhura atje apo të dublikuara.
Lini një Përgjigje