FLASH
Shkruar nga Pamfleti
Të gjithë personat që po udhëtonin në këtë furgon ishin të moshës 25 deri në 30 vjeç
Zbardhen detaje të tjera nga aksidenti tragjik në Rumani, ku një furgon me tifozë të PAOK u përplas me një kamion dhe humbën jetën 7 persona, ndërsa 3 mbetën të plagosur.
Sipas të dhënave më të fundit në furgon ishin dy shqiptarë, ku 29-vjeçari Vasil Palo me origjinë nga Korça, thuhet se ka humbur jetën. Ndërsa shqiptari tjetër Genci Sadiku fatmirësisht ka shpëtuar dhe ndodhet mes të plagosurve.
Të gjithë personat që po udhëtonin në këtë furgon ishin të moshës 25 deri në 30 vjeç. Sipas autoriteteve rumune, furgoni tentoi të parakalonte një kamion-cisternë, por është përplasur kokë më kokë me një tjetër kamion.
Helikopterët e emergjencës nuk mundën të ndërhyjnë për shkak të kushteve të këqija atmosferike, ndërsa të plagosurit u dërguan në spitalin e qytetit Lugoj.
Klubi i PAOK ka shpallur zi dhe ka njoftuar se do të mbulojë të gjitha shpenzimet për kthimin e trupave dhe ndihmën ndaj të plagosurve.
Lini një Përgjigje