FLASH
Shkruar nga Pamfleti
Policia ka reaguar lidhur me aksidentin e ndodhur pasditen e sotme në aksin rrugor Lezhë-Laç, në afërsi të Milotit.
Mësohet se 5 persona mbetën të plagosur si pasojë e përplasjes së fortë, ndërsa 2 automjete janë përfshirë në aksident.
Të plagosur kanë mbetur 4 pasagjerët që udhëtonin në automjetin me drejtues shtetasin B. B. si dhe bashkëshortja e shtetasit C. Sh, që drejtonte automjetin tjetër. Ndërkohë, 5 të plagosurit janë dërguar në spitalin e Lezhës për të marrë ndihmë mjekësore.
Nga verifikimet paraprake të kryera nga Policia Rrugore, rezulton se drejtuesit e mjeteve të përfshira në aksident nuk kanë qenë nën efektin e alkoolit në momentin e ngjarjes.
Njoftimi i Policisë:
Lezhë/Informacion paraprak-Rreth orës 16:30, në aksin rrugor Fushë-Milot – Lezhë, janë përplasur dy automjete, njëri me drejtues shtetasin B. B. dhe tjetri me drejtues shtetasin C. Sh.
Si pasojë e aksidentit janë dëmtuar pasagjerët që udhëtonin në automjetin me drejtues shtetasin B. B., konkretisht shtetaset D. K., F. C., D. A. dhe Xh. N., si dhe bashkëshortja e shtetasit C. Sh., shtetasja Sh. Sh. Të dëmtuarit janë transportuar në spital për ndihmë mjekësore dhe ndodhen nën kujdesin e mjekëve.
Grupi hetimor po punon për përcaktimin e shkakut të aksidentit.
Lini një Përgjigje