FLASH
Shkruar nga Pamfleti
Një aksident i rëndë është regjistruar mbrëmjen e sotme në fshatin Kullë, Sukth, ku automjeti me drejtues një shtetas 48-vjeçar ka përplasur motomjetin i cili drejtohej nga një 21-vjeçar.
Si pasojë e këtij aksidenti ka përfunduar në spitalin e Traumës, 21-vjeçari, ndërsa drejtuesi i automjetit është shoqëruar në komisariat.
"Rreth orës 20:25, në fshatin Kullë, Sukth, automjeti me drejtues shtetasin B. H., 48 vjeç, është përplasur me motomjetin me drejtues shtetasin M. H., 21 vjeç, i cili është transportuar për ndihmë mjekësore në Spitalin e Traumës në Tiranë.
Drejtuesi i automjetit shtetasi B. H, është shoqëruar në Komisariat për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit", thuhet në njoftimin e policisë.
Lini një Përgjigje