FLASH
Shkruar nga Pamfleti
Një tjetër aksident i rëndë ka ndodhur mëngjesin e sotëm në rrugët e Shqipërisë, ku kanë mbetur të plagosur gjashtë persona.
Një aksident i rëndë ka ndodhur mëngjesin e sotëm në Përrenjas, ku mbetën të plagosur gjashtë persona, një prej të cilëve në gjendje të rëndë.
Aksidenti është regjistruar në vendin e quajtur “Ura e Mërkurit”.
Njëri prej të plagosurve është transportuar për në repartin e kirurgjisë së Spitalit të Elbasanit për shkak të frakturave të shumta që i janë shkaktuar nga aksidenti.
Nga pamjet e siguruara, shihen mjete të shkatërruara në vendin e ngjarjes. Një automjet dyshohet se ka humbur drejtimin e lëvizjes, është përplasur me një tjetër dhe ka dalë jashtë rruge duke u përplasur me bordurën anësore.
"Në aksin rrugor “Librazhd-Prrenjas”, automjeti me drejtues shtetasin A. S. është përplasur me automjetin me drejtues shtetasin Gj. P.
Si pasojë e aksidentit janë dëmtuar 3 pasagjerë në automjetin me drejtues shtetasin A. S. dhe 3 të tjerë në automjetin me drejtues shtetasin Gj. P., të cilët ndodhen në kujdesin e mjekëve, jashtë rrezikut për jetën.
Me drejtuesit e automjeteve po kryhen veprimet e mëtejshme procedurale. Grupi hetimor po punon për përcaktimin e shkaqeve të aksidentit", njofton policia.
Lini një Përgjigje