
Një aksident i rëndë ndodhi mëngjesin e kësaj të premteje te mbikalimi i Ishull-Lezhës.
Mësohet se një furgon është përplasur me një motor. Për pasojë ka ndërruar jetë në spital drejtuesi i motorit. Viktima është Pavlin Ndoji, 56 vjeç.
Policia ndodhet në vendin e ngjarjes dhe ka nisur hetimet për zbulimin e shkaqeve të këtij aksidenti tragjik.
"Rreth orës 07:00, tek mbikalimi ‘Ishull- Lezhë, automjeti tip “Benz”, me drejtues shtetasin M. M., është përplasur me një motomjet me drejtues shtetasin P. N.,
Si pasojë e përplasjes drejtuesi i motomjetit shtetasi P. N., ka ndërruar jetë në spital.
Drejtuesi i automjetit, u shoqërua në komisariat, për veprime të mëtejshme. Grupi hetimor ndodhet në vendngjarje për të zbardhur shkakun e aksidentit", njofton policia.
Lini një Përgjigje