FLASH
Shkruar nga Pamfleti
Policia ka marrë në pyetje dy persona, Eqerem Braçen dhe djalin e tij, Gazment Braçe. Eqerem Braçe është partneri i viktimës në fabrikën e tullave dhe në dëshminë e tij, ai pohoi se një person i doli përpara automjetit të tij dhe qëlloi drejt tyre...
Biznesmeni 44-vjeçar Edoardo Sarchi u gjet i vrarë në orët e para të së shtunës, pranë fshatit Salari në Tepelenë.
Sarchi kishte jetuar në Tiranë për 20 vjet dhe zotëronte një fabrikë tullash, dhe thuhet se ishte gjithashtu i apasionuar pas gjuetisë. Kjo mendohet të jetë arsyeja pse 44-vjeçari italian kishte ndërmarrë udhëtimin për në Tepelenë, ku u gjet i vdekur.
Policia ka nisur hetimet për incidentin, i cili u mbulua nga misteri për orë të tëra, për shkak të dëshmisë së dhënë nga njëri prej personave në vendngjarje.
Fillimisht u raportua se viktima ishte qëlluar nga një automjet në lëvizje. Policia, në një raport paraprak mbi incidentin, tha se kishte gjetur trupin e 44-vjeçarit Sarchi me plagë të shkaktuara nga arma e zjarrit.
Por sipas raportimeve, ekspertiza mjeko-ligjore ka zbuluar një detaj tjetër: viktima kishte një plagë në kokë, por jo nga një të shtënë me armë zjarri, ndërsa 44-vjeçari vdiq si pasojë e gjakderdhjes.
Kjo ekspertizë duket se i rrëzon të gjitha dyshimet e mëparshme se viktima është qëlluar nga një automjet tjetër në lëvizje. Dhe vëmendja e ekipit hetimor duket se është përqendruar pikërisht në pistën e vrasjes për shkak të konflikteve mbi pronësinë e fabrikës, ose të lidhura me të.
Policia ka marrë në pyetje dy persona, Eqerem Braçen dhe djalin e tij, Gazment Braçe. Eqerem Braçe është partneri i viktimës në fabrikën e tullave dhe në dëshminë e tij, ai pohoi se një person doli përpara automjetit të tij dhe qëlloi drejt tyre.
Ai u përpoq të jepte ndihmën e parë duke nxjerrë trupin nga automjeti dhe më pas njoftoi policinë. Sipas tij, autori i krimit është larguar në errësirë dhe nuk është identifikuar.
Ata kishin udhëtuar drejt vendit të ngjarjes me dy makina, një Land Rover dhe një Volkswagen, të cilat u gjetën nga policia në vendngjarje.
Biznesmeni ndodhej në një nga automjetet në momentin e ngjarjes. Policia ka shpallur në kërkim djalin e Eqeremit, Gazmendin, i cili u arrestua disa orë pas ngjarjes. Ai është shoqëruar për të dhënë dëshminë e tij.
Që nga qershori i vitit 2023, 44-vjeçari ka drejtuar fabrikën e tullave dhe pllakave në zonën e Laprakës në Tiranë, 'Tegola Edilcentro'.
“Rreth orës 00:30, në fshatin Salari, në vendin e quajtur “Dilan”, u gjet i vdekur në rrugë shtetasi italian ES, 44 vjeç, banues në Tiranë, i dyshuar si i vrarë me armë zjarri.
Shërbimet e policisë, me të marrë njoftimin, shkuan menjëherë në vendngjarje.
Është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentacionin ligjor, si dhe për identifikimin dhe kapjen e autorit/autorëve.
Ndërkohë, shërbimet e Policisë, në bashkëpunim me Drejtorinë Vendore të Policisë së Fierit dhe Vlorës, po kryejnë kontrolle në zona dhe mjedise të ndryshme, për kapjen e autorit/autorëve, njoftoi policia.
Uroj te mos fut hunden Gramoz Ruçi gjenerali i te keqes komuniste qe deri me tash si ka hy gjemb ne sum. Dhe ska per me hy persa kohe ai komandon ushtrine e tij me komandant te tipit Alket Hyseni dhe shef propagande Mero Baze peshtani me pasuni maramendese. Pse s hetohet Gramo Ruçi ish sekretar i pare i komitetit te partise punes- komuniste - te Tepelenes, ish ministri brendshem i kohes se komunizmit, i lakum si i perfshim ne nje seri aferash si ajo e hekurit, çimentos etj.etj., por dhe kondrabande cigaresh. Ishin kto qe gjate rregjimit te Sal Berishes ja mbathi ne Greqi i ndihmur nga Agron Musaraj ish ministri brendshem i asaj kohe.