FLASH
Shkruar nga Pamfleti
Juristi Romeo Kara ka zbuluar se manovra e ndjekur me kontratën e koncesionit të sterilizimit nuk është e vetmja. Kontrata origjinale nuk gjendet askund, ndërsa ai shprehet se një skemë e njëjtë është ndjekur nga Meta dhe qeveria “Berisha” kur u firmos kontrata CEZ-DIA për mbledhjen e borxheve të prapambetura. Juristi që denoncoi skandalin, shprehet se dosja u zhduk si me magji dhe atij ju desh shumë punë të mblidhte dokumentet. Padyshim te afera në fjalë është i përfshirë Ilir Meta, i cili madje ka ngjitur dhe shkallët e SPAK disa herë. Sipas juristit korrupsioni i pandëshkuar vite më parë ka sjellë dhe aferat e mëpasshme.
Shumë mirë që media konstaton dhe publikon detaje kuptimplotë në lidhje me çështjen e sterilizimit.
Transparenca në rritje e medias është faktor kyç për suksesin në luftën kundër korrupsionit.
E njëjta dukuri ka ndodhur lidhur me aferën e privatizimit të OSSH-se nga CEZ-i ne vitet 2008-2009.
Askund nuk u gjet dosja voluminoze e këtij privatizimi, duke filluar që nga protokolli i METE-s.
Nisur thjesht nga një e dhënë iniciuese, personalisht kam mbledhur në çdo institucion fakte e prova, duke e rikrijuar dosjen nga e para.
Zullumqarët menduan se, zhdukja e dosjes, do të ishte garancia absolute e mosndëshkimit të tyre.
Fatkeqësisht, media, kurrë nuk u ndal tek ky fakt.
Drejtësi pa integritet nuk ka.
Drejtësi vetëm për veten dhe miqtë, nuk ka.
E vërteta është vetëm një dhe drejtësia e cila mbështetet vetëm tek e vërteta, është vetëm një dhe duhet ta pranojmë atë edhe nëse nuk na leverdis personalisht.
Korrupsionin e sotëm, e frymëzoi mosndëshkimi i korrupsionit në vite, duke e kthyer pothuaj në një të drejtë "ligjore" të çdo pushteti.
Të mos harrojmë shtrirjen në thellësinë kohore të këtij kanceri shoqëror dhe të mos mbulojmë mëkatet e djeshme me ato të së sotmes.
Secili të marrë atë që i takon.
Kjo është çështja.
Lini një Përgjigje