FLASH
Shkruar nga Pamfleti
Bordi i Transparencës ka ndryshuar sërish çmimet e karburanteve në vendin tonë ditën e sotme.
Me anë të një njoftimi për mediat, bëhet me dije se nafta është rritur me 3 lekë, duke shkuar nga 173 në 176 lekë/litër, ndërsa benzina është rritur me 6 lekë, duke shkuar nga 173 në 179 lekë/litër.
Gazi mbetet me të njëjtin çmim që nga vendimi i fundit, i cili do të shitet me 63 lekë për litër.
Sakaq, çmimet e reja do të futen në fuqi ditën e sotme prej orës 18:00.
Njoftimi i plotë:
Vendim i Bordit të Transparencës- 26.05. 2023
Vendimet e Bordit të Transparencës në datë 26 Maj 2023 kanë ndryshime të çmimit nga ai i përcaktuar në mbledhjen e fundit.
Si rrjedhojë çmimet e vendosura janë:
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 176 lekë/litri, ndërsa i shitjes me shumicë jo më shumë se 164 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 179 lekë/litri, ndërsa i shitjes me shumicë jo më shumë se 167 lekë/litër.
Çmimi i shitjes me pakicë i nënproduktit gaz, të jetë 63 lekë/litri me pakicë dhe i shitjes me shumicë 51 lekë/litër për automjetet.
Çmimi i gazoilit për peshkim është vendosur 82 lekë/litër.
Çmimet e caktuara nga Bordi do të hynë në fuqi në datë 26 Maj, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
Lini një Përgjigje