FLASH
Shkruar nga Sokol Pepushaj
Dinozaurët e politikës së vjetër po ngacmojnë kështu nervat e shoqërisë dhe të SPAK-ut për “therjen” e një peshku të madh, me sarkazma zejtarësh që paguhen për të lundruar në rrjetet sociale...
Në bashkëpunim me Sali Berishën dhe Ilir Metën, Edi Rama flitet se po i bën kurban të gjitha figurat e PS.
Ky dredhim i tre gjigandëve antiamerikanë, duket se është kurdisur poshtë koreve të dinamikës së dinakërisë, për të thyer “bërrylat” që po e shtyjnë drejt gropës dhe për të siguruar vazhdimësinë e pushtetit të Bablokut.
Meqë jemi në vit zgjedhor dhe shqiptarët kanë shpërthyer kundër Altin Dumanit që nuk po arreston Olsi Ramën dhe Ilir Metën dhe po i shtyn në kalendat greke krimet e Sali Berishës, dinastia e hajdutëve nuk po mbulon as gjurmët në rrugën plot “gjemba”.
Gjilpëra në trup të mafies, edhe nga ndërkombëtarët, çuditërisht po ngulet aty ku dhëmb më pak.
Figurat e PS, para treshes orkestrale antiamerikane, vërtetë janë humbje e “ushtrisë” mafioze, por pse të mos përdoren si varka të shpëtimit.
Ata mund të “shiten” si lulja e orkidesë që zbukuron edhe barin e bagëtive të Saliut, edhe vazot e florinjta të Likes, po edhe pasarelat e skenave dramatike të narko trafikantit Olsi Rama.
Po, gjithandej në rrjetet sociale, janë “tërbuar” trumbetat e festës së PS-së.
Patronazhistët e Bablokut, me identitete false, po sulmojnë një e nga një të gjithë ‘kuajt’ e PS, dhe po punojnë të krijojnë perceptimin, sikur Sali Berisha dhe Ilir Meta po rrisin mbështetjen publike.
Po ngacmojnë kështu nervat e shoqërisë dhe të SPAK-ut për “therjen” e një peshku të madh, me sarkazma zejtarësh që paguhen për të lundruar në rrjetet sociale, sikur ‘kuajt’ e PS po tallen me Dumanin./Pamfleti
Lini një Përgjigje