FLASH
Shkruar nga Sokol Pepushaj
Dosjet kriminale që po çojnë në burg Olsi Ramën dhe rrëzojnë Qeverinë, u gjetën në një përrua të thatë, rrugës kur Gazment Bardhi po kthehej nga Shtëpia e Bardhë...
Burgu po ja merr gjithë gjeneralët Sulltanit të Surrelit. Olta Xhaçka, vëlla Olsi dhe Ilir Beqja, janë mbështjellë me dëng dollarësh e po sillen si torollakë rreth SPAK-ut, se po të dalin në rrugë, njerëzia ua nxjerr sytë.
As sythe nuk po çelin dardhat e mollët këtë pranverë.
Ka smog dhe Altin Dumani nuk ka kundra gaz kinez të dalë e të krasitë drurët frutor. Nëpër mollaqe të pushtetit të pa përgjegjshëm, uji i lumit është turbulluar.
Peshqit kanë filluar të hanë njëri-tjetrin.
Dosjet kriminale që po çojnë në burg Olsi Ramën dhe rrëzojnë Qeverinë, u gjetën në një përrua të thatë, rrugës kur Gazment Bardhi po kthehej nga Shtëpia e Bardhë.
Kështu, bardhësitë e Bablokut janë nxirë.
Në këtë fund të zi, kryeministri jo vetëm që është izoluar nga bota perëndimore, por e kanë braktisur edhe ata që deri sot i përdorte si shami hundësh, sa herë ishte me “grip” në mëlçi, apo me grep në gojë.
Gojëtari që ka filluar të përdorë edhe grushtet kundër gazetarëve që i kërkojnë llogari për taksat e shpërdoruara, ka kohë që nuk zë në gojë as Amerikën, as mbështetjen nga miqtë Yuri Kim dhe Aleksandër Soros.
Këto kohë, qershia mbi tortë është peshk, prandaj sekush e ndjen aromën, dhe është afër logjikës, duhet të ruajë hundën e vet.
Për ne nuk ka asgjë të re.
Çdo kryeministër dhe ish- kryeministër, çdo President dhe ish- President, çdo krye bashkiak e zyrtar i lartë, çdo politikan, janë në qerren që po e tërheq kali drejt burgut.
Ajo që i ka lënë disi të zhgënjyer mafiozët, është thyerja e Edi Ramës me Amerikën dhe Botën perëndimore.
Po për fund, pse të mos e bëjmë edhe ne një pyetje Bablok, ku i ke Yuri Kim dhe Aleksandër Soros që nuk po të mbështesin?!/Pamfleti
Lini një Përgjigje