FLASH
Shkruar nga Pamfleti
Presidenti i Ukrainës, Volodymyr Zelensky, është parë sot teksa hynte në konferencën e NATO-s në Hagë i veshur me kostum. Ai kishte veshur një xhaketë të zezë, bluzë të zezë poshtë, pantallona të zeza dhe çizme ushtarake – një kompromis mes stilit ushtarak dhe atij formal diplomatik.
Zelensky zhvilloi një takim prej rreth 50 minutash me Presidentin amerikan Donald Trump, të cilin e përshkroi si “të gjatë dhe përmbajtësor”.
Ndryshimi në veshje nuk është i rastësishëm. Lideri ukrainas është bërë i njohur për uniformën e tij me stil ushtarak që nga fillimi i luftës, si shenjë solidariteti me trupat në vijën e parë të frontit. Por kjo zgjedhje ka sjellë edhe kritika.
|
|
|
 |
|
| image 1750839694526 |
Më 28 shkurt, gjatë një vizite të tensionuar në Shtëpinë e Bardhë, një gazetar amerikan e pyeti në mënyrë provokuese: “Pse nuk vesh një kostum? A ke një kostum?”
Zelensky iu përgjigj me sarkazëm: “Do të vesh një kostum pasi të përfundojë kjo luftë. Ndoshta si i juaji, ndoshta më i mirë, ndoshta më i lirë. Faleminderit.”
Duket se ky moment ka lënë gjurmë. Në takimin e sotëm me Trump, ndryshe nga ai përplasje verbal në Washington, Zelensky u shfaq me një paraqitje të kuruar, që sinjalizon një ton më diplomatik dhe ndoshta një përpjekje për të shmangur polemikat që i kanë rënë në qafë më herët
Lini një Përgjigje