FLASH
Shkruar nga Pamfleti
Në përfundim të konferencës për shtyp në samitin e NATO-s në Hagë, Presidenti amerikan Donald Trump u pyet nga gazetarja Deborah Haynes mbi deklaratën e Sekretarit të Përgjithshëm të NATO-s, Mark Rutte, i cili më herët atë ditë e kishte përshkruar Trump si “baba” në përpjekjet për të ndalur konfliktin midis Iranit dhe Izraelit.
I pyetur nëse ai i sheh vendet anëtare të NATO-s si “fëmijët” e tij, Trump u përgjigj me ironi:
“Më pëlqen ai. Mendoj se më pëlqen. Nëse nuk më pëlqen, do t’ua them. Do të kthehem dhe do ta godas fort, në rregull? (qesh) Shumë dashamirës.”
I nxitur të elaboronte më tej sesi i sheh aleatët e tij që kanë zbatuar kërkesat për rritjen e shpenzimeve të mbrojtjes, Trump shtoi: “Unë mendoj se ata kanë nevojë për pak ndihmë.”
Duke cituar një nga liderët aleatë, ai tha: “Njëri prej tyre më tha: ‘Prej 30 vitesh po përpiqemi ta rrisim këtë përqindje. Por deri sa erdhe ti, asgjë nuk ndodhi. Ajo që bëre është e jashtëzakonshme.’”
Kur u pyet nëse NATO mund të funksionojë pa mbështetjen e SHBA-së, Trump shmangu një përgjigje të drejtëpërdrejtë duke ia kaluar topin vetë Sekretarit të Përgjithshëm: “Pysni Mark-un.”
Në mbyllje, para se të largohej nga podiumi, Presidenti Trump u tha të pranishmëve: “Mos harroni, SHBA është vendi më ‘i nxehtë’ në botë tani.”
Lini një Përgjigje