FLASH
Shkruar nga Pamfleti
Ai qëllon gruan dhe më pas veten. Një çift i ri u gjet i pajetë në shtëpinë e tyre në Gaifana, një fshat i Gualdo Tadino, në provincën e Perugias. Trupat u gjetën mëngjesin e sotëm, pak pas orës 10:00 të mëngjesit. Të dy jetonin së bashku në shtëpinë ku u gjetën të pajetë.
Ai quhej Daniele Bordiçhia, 39 vjeç, ndërsa bashkëshortja e tij Eliza Stefania, 30 vjeçe, me origjinë nga Rumania. Policia po heton ngjarjen e rëndë.
Daniele dhe Eliza ishin martuar rreth 7 muaj më parë. Ata nuk kishin fëmijë. Në shtëpi u gjet një armë, të cilën burri e kishte si roje sigurie. Gruaja e tij, nga ana tjetër, ishte një punonjëse e shëndetësisë sociale. Sipas një rikonstruksioni të parë, ishin prindërit e tij që gjetën trupat.
Për momentin hetuesit besojnë se burri mund të ketë qëlluar me pistoletën e shërbimit gruan e tij të re dhe më pas ka vrarë veten. Megjithatë dinamika po shqyrtohet ende nga policia e koordinuar nga prokuroria e Perugias.
Lini një Përgjigje