FLASH
Shkruar nga Pamfleti
Ne nuk po mbështetemi tek Danimarka apo dikush tjetër për t'u kujdesur për atë situatë. Dhe ne nuk po flasim për paqen për Shtetet e Bashkuara. Ne po flasim për paqen botërore
JD Vance u ankua se ishte shumw ftohtw, pasi mbërriti në Grenlandë në udhëtimin e parë të një zëvendëspresidenti të SHBA në territor.
Vance udhëtoi në bazën hapësinore të ushtrisë amerikane Pituffik për një informim mbi sigurinë kombëtare.
"Është ftohtë, askush nuk më tha”, u shpreh ai, duke nxitur të qeshura nga trupat.
Zëvendëspresidenti i SHBA, i cili shoqërohej nga gruaja e tij Usha Vance, tha se Donald Trump ishte “me të vërtetë i interesuar për sigurinë e Arktikut, siç e dini të gjithë, dhe ajo do të bëhet më e madhe gjatë dekadave të ardhshme”.
Trump, presidenti i SHBA-së, ka këmbëngulur vazhdimisht se SHBA do të aneksojë Grenlandën , e cila është pjesë e Mbretërisë së Danimarkës, për të mbrojtur sigurinë kombëtare.
Mike Waltz, këshilltari amerikan për sigurinë kombëtare, është gjithashtu pjesë e delegacionit amerikan, pavarësisht raporteve se ai nuk do të bënte udhëtimin pasi u përfshi në një grindje politike pasi i zbuloi aksidentalisht planet ushtarake një gazetari.
Vance tha se ai dhe Waltz do të "bisedojnë me komandën... për atë që saktësisht bën baza dhe të gjitha mënyrat e rëndësishme që ajo kontribuon në sigurinë kombëtare".
"Ne do të marrim një informim sigurisht për atë që ju bëni çdo ditë," u tha ai trupave.
"Ne kemi njëfarë interesi për Grenlandën nga administrata Trump, kështu që do të flasim pak për këtë pa perezencën e medias", tha ai.
Fotot dukej se tregonin një protestë të dy grave që po zhvillohej në Nuuk, kryeqyteti i Groenlandës, ndërsa Vances zbarkoi të premten.
Një nga gratë, duke qëndruar në një kodër dëbore, mbante një shenjë që demonstronte kundër instalimit të bombarduesve amerikanë të fshehtë B-2 në bazën ushtarake.
Zonja Vance do të udhëtonte pa bashkëshortin e saj në territor, por udhëtimi i saj u ndërpre mes raporteve për protesta nga vendasit të zemëruar me komentet e Trump për aneksimin e Grenlandës.
Deklarata e Trump u përforcua të premten, duke pretenduar se siguria kombëtare e SHBA po kërcënohej nga luftanijet kineze dhe ruse në rajon.
"Nuk është çështja, a mendoni se mund të bëjmë pa të? Nuk mundemi," u tha presidenti amerikan gazetarëve në Zyrën Ovale, duke shtuar “nëse shikoni Grenlandën tani, anijet kineze dhe ruse kudo, dhe ne nuk do të jemi në gjendje ta bëjmë këtë”.
"Ne nuk po mbështetemi tek Danimarka apo dikush tjetër për t'u kujdesur për atë situatë. Dhe ne nuk po flasim për paqen për Shtetet e Bashkuara. Ne po flasim për paqen botërore. Ne po flasim për sigurinë ndërkombëtare", theksoi ai.
Një zyrtar i lartë i Shtëpisë së Bardhë tha përpara vizitës së çiftit Vance se zv.Presidenti do të hynte në debatin e Grenlandës mbi pavarësinë nga Danimarka.
Politikanët danezë i thanë më parë The Telegraph se kanë frikë se komentet e zotit Trump për thithjen e Grenlandës do të ndezin lëvizjen për t'u shkëputur nga mbretëria.
“Për fat të keq, liderët danezë kanë shpenzuar dekada duke keqtrajtuar popullin grenlandez, duke i trajtuar ata si qytetarë të klasit të dytë dhe duke lejuar që infrastruktura në ishull të prishet”, tha një zyrtar në administratën Trump për Fox News.
"Prisni që zëvendëspresidenti t'i theksojë këto pika", shtoi ai.
Në fillim të këtij muaji, partia pro-pavarësisë Demokraatit shënoi një fitore shokuese në zgjedhjet në Groenlandë. /Përshtati Pamfleti nga The Telegraph/
Lini një Përgjigje