FLASH
Shkruar nga Pamfleti
Ushtarët e Wagner kanë nisur të tërhiqen nga Rostov-on-Don dhe qytetet e tjera. Një video tregon luftëtarët duke festuar pasi Yevgeny Prigozhin lëshoi një mesazh audio që konfirmonte një de-përshkallëzimin e situatës.
Po ashtu jeta është rikthyer dhe në Moskë, pasi po hiqen pake nga pak kufizimet. Njerëzit në Lipetsk u nxitën të qëndronin brenda dhe rrugët u mbyllën pasi një kolonë e trupave mercenare iu afrua rajonit të tyre gjatë marshimit për në Moskë.
"Sot nuk ishte një ditë e lehtë. Ekipi ynë bëri një punë të madhe, të vështirë. Dhe ata e bënë atë pa probleme dhe shpejt - siç duhet të jetë kur ju jeni përgjegjës për sigurinë e popullatës" tha guvernatori Igor Artamonov.
“Ne po fillojmë të heqim kufizimet e vendosura sot, në të ardhmen e afërt do të hapim qarkullimin në rrugët rajonale”, tha ai.
Luftëtarët Wagner hynë në qytetin rus të Rostov-on-Don në orët e para të mëngjesit të sotëm. Nga atje, grupi u zhvendos në Voronzeh dhe thuhet se mori kontrollin e të gjitha objekteve ushtarake në qytet përpara se të vazhdonte në autostradën M4 drejt Lipetsk, e cila është rruga për në Moskë.
Lini një Përgjigje