FLASH
Shkruar nga Pamfleti
Presidenti Donald Trump deklaroi të premten në një intervistë për CNN se Shtetet e Bashkuara dhe Izraeli synojnë "gjëra pak a shumë të ngjashme" në luftën kundër Iranit, teksa konflikti ushtarak mes SHBA-së, Izraelit dhe Iranit ka hyrë në javën e tretë.
"Marrëdhëniet janë shumë të mira, mendoj se po. Ne duam gjëra pak a shumë të ngjashme", i tha Trump gazetare Alayna Treene të CNN-së, ndërsa po largohej nga Shtëpia e Bardhë.
Këto komente vijnë në një moment tensioni të lartë, vetëm disa orë pasi presidenti amerikan i quajti aleatët e NATO-s "frikacakë", për shkak se nuk po ndihmojnë SHBA-në për të rihapur Ngushticën e Hormuzit.
Sipas Trump, kjo ngushticë mbetet praktikisht e mbyllur nga veprimet iraniane, çka ka shkaktuar rritje të mëdha të çmimeve globale të naftës.
Ndërkohë, administrata Trump ka dërguar forca shtesë ushtarake në Lindjen e Mesme, përfshirë marinë dhe anije luftarake, për të përballuar situatën. Presidenti ka insistuar se lufta është "fituar ushtarakisht" kundër Iranit, por lufta ende vazhdon.
Lini një Përgjigje