FLASH
Shkruar nga Pamfleti
Ngjarja konsiderohet një nga aksidentet më të rënda të aviacionit ushtarak në Kolumbi, ndërsa presidenti Gustavo Petro ka shprehur ngushëllime dhe ka bërë thirrje për kujdes ndaj spekulimeve
Një avion ushtarak tip Hercules C-130 i Forcave Ajrore të Kolumbisë u rrëzua më 23 mars 2026 pak pas ngritjes në jug të vendit, pranë Puerto Leguízamo, në një zonë pranë kufirit me Perunë.
Sipas raportimeve të mediave lokale dhe ndërkombëtare, në bord ndodheshin rreth 100 deri në 110 ushtarë, megjithëse autoritetet nuk kanë konfirmuar ende një shifër përfundimtare.
Ministri i Mbrojtjes i Kolumbisë, Pedro Sánchez, konfirmoi aksidentin, por theksoi se numri i viktimave dhe shkaqet e rrëzimit mbeten ende të paqarta.
Raportimet fillestare flasin për një bilanc të rëndë me 80 viktima, por shifrat ndryshojnë. Disa burime mediatike përmendin dhjetëra të vdekur, ndërsa të tjera raportojnë se të paktën 57 persona janë evakuuar të gjallë nga vendngjarja.
❗️Colombian Air Force C-130 Hercules Crashes Near Peru Border, Reportedly With 100+ Personnel Onboard - Local Media
— RT_India (@RT_India_news) March 23, 2026
The Defense Minister has confirmed the incident, but did not specify the number of passengers.
The C-130 Hercules is a tactical transport aircraft manufactured… pic.twitter.com/DRG1goE7XP
Pamjet e publikuara nga mediat tregojnë një re të madhe tymi dhe flakë në zonën e rrëzimit, ndërsa njësitë ushtarake dhe ekipet e emergjencës janë angazhuar në operacionet e shpëtimit.
Shkaqet e aksidentit nuk janë përcaktuar ende. Autoritetet kanë nisur hetimet dhe nuk përjashtojnë asnjë pistë, ndërsa në një kontekst të ndjeshëm sigurie në vend, mbetet e hapur edhe mundësia e faktorëve të jashtëm.
Ngjarja konsiderohet një nga aksidentet më të rënda të aviacionit ushtarak në Kolumbi, ndërsa presidenti Gustavo Petro ka shprehur ngushëllime dhe ka bërë thirrje për kujdes ndaj spekulimeve deri në daljen e rezultateve zyrtare të hetimit.
Ky është aksidenti i dytë ajror, pasi një avion në Nju Jork u përplas sot në pistë duke shkaktuar dy viktima. Avioni i pasagjerëve i tipit CRJ-900 (Bombardier) i Air Canada Express u përplas me një mjet shërbimi menjëherë pas uljes së tij në aeroportin ndërkombëtar LaGuardia në Nju Jork dhe për pasojë vdiqën dy pilotët.
Lini një Përgjigje