FLASH
Shkruar nga Pamfleti
Autoritetet iraniane mohuan se kanë zhvilluar bisedime me Shtetet e Bashkuara për përfundimin e luftës, duke i cilësuar raportimet si të pavërteta dhe të motivuara për të ndikuar në tregjet ndërkombëtare.
Zëdhënësi i Ministrisë së Jashtme të Iranit, Esmail Baghaei, deklaroi se Teherani nuk ka zhvilluar asnjë negociatë me Uashingtonin dhe se pozicioni i vendit lidhur me Ngushticën e Hormuzit dhe kushtet për përfundimin e konfliktit mbetet i pandryshuar. Deklaratat e tij u transmetuan nga agjencia shtetërore IRNA.
Ai theksoi se Irani ka marrë mesazhe nga disa vende të konsideruara mike, të cilat kanë përcjellë kërkesë nga Shtetet e Bashkuara për nisjen e bisedimeve. Sipas Baghaeit, përgjigjja e Teheranit ka qenë një paralajmërim për “pasoja serioze” në rast të sulmeve ndaj infrastrukturës jetike të vendit.
Deklaratat vijnë pas qëndrimit të presidentit amerikan Donald Trump, i cili kishte pohuar se ekzistonin kontakte me zyrtarë të lartë iranianë dhe se iniciativa për dialog kishte ardhur nga pala iraniane.
Qëndrimin zyrtar të Teheranit e përsëriti edhe kryetari i Parlamentit, Mohammad Bagher Ghalibaf, i cili deklaroi se nuk janë zhvilluar bisedime me Shtetet e Bashkuara.
Këto zhvillime tregojnë për një kontradiktë të hapur mes deklaratave të palëve, ndërsa tensionet në rajon vazhdojnë dhe përpjekjet diplomatike mbeten të paqarta.
Hahaha....MASHTRUESI TRUMP,po perpiqet me rujte REPUTCIONIN e tij,mbasi e sheh veten ne GJIRIZ deri ne fyt. Ne fakte ny K..R, kurre nuk e ka kalu pragun 5% te besueshmerise. Thjeshte NUK DUHET MARRE SERIOZISHT.