FLASH
Shkruar nga Pamfleti
Sekretari i Kabinetit britanik, Sir Chris Wormald dha dorëheqjen këtë të enjte, 12 shkurt 2026, pas vetëm 14 muajsh në detyrë, mandati më i shkurtër në histori për këtë post.
Kryeministri Keir Starmer konfirmoi largimin e menjëhershëm të Wormald-it, duke thënë se kishte rënë dakord me të për përfundimin e detyrës. Starmer vlerësoi kontributin e tij gjatë më shumë se 35 viteve në shërbimin civil, por nuk dha detaje për arsyet e saktë të dorëheqjes.
Wormald është zyrtari i tretë i nivelit më të lartë që largohet nga Downing Street brenda pak ditësh. Para tij dhanë dorëheqjen:Morgan McSweeney, shefi i stafit të kryeministrit, të dielën e kaluar. Tim Allan, drejtori i komunikimit, të hënën.
Largimet vijnë në mes të një ristrukturimi të thellë të stafit qeveritar dhe pas tensioneve të mëdha të shkaktuara nga emërimi dhe më pas largimi i Peter Mandelson si ambasador në SHBA.
Dokumentet e reja nga dosja Epstein, të publikuara së fundmi, kanë nxitur kritika të ashpra ndaj gjykimit të Starmer-it për emërimin e Mandelson-it, pavarësisht lidhjeve të tij me Jeffrey Epstein.
Përkohësisht, detyrat e sekretarit të kabinetit do të mbulohen nga disa sekretarë të përhershëm, me Antonia Romeo (Home Office) që konsiderohet favorite për të marrë postin në mënyrë të përhershme.
Keir Starmer ka refuzuar çdo thirrje për dorëheqje dhe ka thënë se qeveria do të vazhdojë punën normale, por largimet e njëpasnjëshme kanë rritur shqetësimet për stabilitetin e administratës labouriste vetëm pak muaj pas ardhjes në pushtet.
Atje largohen se nuk e shohin vendin e punes si mekanizem ku vjedhin , ku krijohen DURANA e ku pasurohet personi e soji e sorollopi ne shqipri duhet te vij e ti mare CIA USA si Maduro