FLASH
Shkruar nga Pamfleti
Presidenti turk Rexhep Taip Erdogan ka marrë një “shuplakë” nga raundi i parë i zgjedhjeve presidenciale. Kur janë numëruar 90 për qind e votave në Turqi, duket se Erdogan do të shkojë në Balotazh se bashku me kandidatin e opozitës Kemal Kilicdaroglu.
Pavarësisht se Erdogan e nisi në avantazh, Kilicdaroglu rikuperoi më vonë dhe aktualisht nga 90 për qind të votave të numëruara, Erdogan kryeson me 49.94% përballë Kemal Kilicdaroglu, i cili ka 44.3%. Muharrem Ince 0.47%, ndërsa Sinan Oğan 5.3%.
Rënie Erdogan ka pësuar edhe në vendet në Parlament, ku koalicioni i tij kryeson me 36,02 % që përkthehet në 269 deputetë. Koalicioni opozitarë renditet i dyti 24,59% ose 168 deputetë. Parti e Ince 10,06% ose 52 deputetë, ndërsa partia e Oğan ndodhet në 9,97% ose 46 deputetë.
Nëse rezultati vazhdon në këtë trend dhe për pjesën e mbetur të kutive, Turqia zyrtarisht shkon në balotazh dhe dy më të votuarit Erdogan dhe Kilicdaroglu do të përballen më 28 maj, ku do të përcaktohet dhe Presidenti i ri i Turqisë.
Një gjë të tillë e ka konfirmuar edhe vetë kandidati i opozitës, Kemal Kılıçdaroglu me anë të një postimi në Twitter, ku u shpreh se përqindja e votave të Recep Tayyip Erdoğan filloi mbrëmjen me 60% dhe tani ka rënë nën 50%.
Ai u kërkoi zyrtarëve zgjedhorë që të qëndrojnë vigjilentë dhe të mos braktisin postet e tyre gjatë pjesës tjetër të mbrëmjes.
“Erdogan, i cili filloi me 60%, tani ka rënë nën 50%. Vëzhguesit e fletëvotimeve dhe zyrtarët e këshillit zgjedhor nuk duhet të largohen kurrë nga vendet e tyre. Nuk do të flemë sonte o populli im. Unë paralajmëroj YSK [komisionin zgjedhor], ju duhet të jepni të dhëna nga provincat”, tha Kılıçdaroğlu
Yüzde 60'lar ile başlayan kurgu şu anda 50'nin altına düştü. Sandık müşahitleri ve seçim kurullarındaki görevlilerimiz bulundukları yerden asla ayrılmasın. Bu gece uyumayacağız Halkım. YSK'yı uyarıyorum, illerdeki veri girişini sağlamak zorundasınız.
— Kemal Kılıçdaroğlu (@kilicdarogluk) May 14, 2023
Gjithashtu dhe presidenti Rexhep Tajip Erdogan ka postuar në Twitter për të kritikuar përpjekjet e opozitës për të shpallur rezultatin para kohe.
“Ndërsa zgjedhjet u mbajtën në një atmosferë kaq pozitive dhe demokratike dhe numërimi i votave ende po vazhdon, përpjekja për të shpallur rezultatet me ngut përbën një uzurpim të vullnetit kombëtar. Kërkoj nga të gjithë zyrtarët dhe kolegët e mi të qëndrojnë në kutitë e votimit, sido që të jetë, deri në përfundimin zyrtar të rezultateve. I përgëzoj të gjithë qytetarët që votuan në emër të demokracisë dhe po marrin pjesë në punën zgjedhore”, tha Erdogan
14 Mayıs seçimlerinin uhulet ve suhulet ile büyük bir demokrasi şöleni şeklinde gerçekleşmesi, Türkiye’mizin sahip olduğu demokratik olgunluğun ifadesidir.…
— Recep Tayyip Erdoğan (@RTErdogan) May 14, 2023
Lini një Përgjigje