FLASH
Shkruar nga Pamfleti
Presidenti i SHBA, Donald Trump është shprehur tha se bazuar në informacionet e deritanishme, nuk mendon se të shtënat në darkën e gazetarëve të Shtëpisë së Bardhë lidhen me luftën në Iran, por shtoi se veprimet e tij ndaj Teheranit mund ta kenë kthyer në objektiv dhe nuk do të tërhiqet.
“Kur bën gjëra të tilla, bëhesh objektiv. Nëse nuk do t’i bëja ato, ndoshta do të isha shumë më pak objektiv, por jam i nderuar që jam,” u tha ai gazetarëve në Shtëpinë e Bardhë.
“Kjo nuk do të më ndalojë të fitoj luftën në Iran. Nuk e di nëse kishte ndonjë lidhje me këtë, me të vërtetë nuk mendoj kështu bazuar në atë që dimë.”
Presidenti solli në vëmendje se kjo nuk është hera e parë në dy vitet e fundit që një republikan është sulmuar nga një “vrasës i mundshëm”.
Ai përmendi dy raste kur dikush ka tentuar ta vrasë para se të rizgjidhej president, përfshirë një tubim në Butler, Pensilvani, dhe një tjetër rast kur Trump po luante golf në Palm Beach, Florida.
Teksa e përshkroi autorin si një ujk i vetmuar, Trump u tha gazetarëve se "askush nuk më tha se kam një profesion kaq të rrezikshëm".
Personi i armatosur që hapi zjarr në Darkën vjetore të Korrespondentëve të Shtëpisë së Bardhë të shtunën në mbrëmje është identifikuar si Cole Allen, 31 vjeç, nga Torrance, Kaliforni. Donald Trump e quajti atë një "autor të vetmuar dhe të shqetësuar".
Allen, i cili punon si mësues, u arrestua pasi dyshohet se hyri në hotelin Washington Hilton dhe hyri në dhomën ku ishin mbledhur rreth 2,500 mysafirë, përfshirë presidentin dhe anëtarët e administratës.
Lini një Përgjigje