FLASH
Shkruar nga Pamfleti
Parlamenti iranian po shqyrton një projektligj që synon vendosjen e tarifave për anijet që kalojnë nëpër Ngushticën e Hormuzit, sipas raportimeve të mediave ndërkombëtare. Nisma është në fazën përfundimtare të hartimit dhe pritet të finalizohet nga ekipi ligjor i asamblesë legjislative.
Kryetari i Komisionit për Çështjet Civile ka bërë të ditur se plani parashikon që Irani të mbledhë tarifa si pjesë e rolit të tij në garantimin e sigurisë detare në këtë zonë strategjike. Sipas tij, praktika është e krahasueshme me korridore të tjera ndërkombëtare, ku vendet aplikojnë taksa për kalimin e mallrave në territorin e tyre.
“Ngushtica e Hormuzit është një korridor i rëndësishëm dhe, si i tillë, është e natyrshme që anijet dhe cisternat e naftës të paguajnë tarifa për shërbimet e sigurisë që ofrohen", u shpreh ai.
Ndërkohë, autoritetet iraniane kanë theksuar se njohja ndërkombëtare e të drejtës së Iranit për të ushtruar autoritet mbi këtë ngushticë përbën një nga kushtet e tyre në kuadër të zhvillimeve të fundit të konfliktit në rajon.
Bravo!