FLASH
Shkruar nga Pamfleti
Në një klimë emocionesh të thella dhe me shpresa për një paqe të përgjithshme në Lindjen e Mesme, sytë e të gjithë planetit sot, janë përqendruar te Izraeli, ku u liruan pengjet e Hamasit , si pjesë e zbatimit të fazës së parë të marrëveshjes së armëpushimit në Gaza.
Presidenti i SHBA Donald Trump mbajti fjalën e tij në Parlamentin izraelit.
Trump u shpreh se arritja e marrëveshjes nuk shënon vetëm fundin e luftës dhe terrorit, por edhe nisjen e një periudhe shprese jo vetëm për Izraelin por për rajonin.
Presidenti amerikan shtoi se 20 pengje janë kthyer sot në shtëpitë e tyre.
"Nder i madh të mblidhemi në një ditë gëzimi, një ditë ku falenderojmë Zotin. Pas 2 vitesh të tmerrshme, 20 pengje me kurajë u kthyen pranë familjeve. 20 anëtarët të familjeve po kthehen në shtëpi, gjatë kësaj periudhe me luftë sot qiejt janë të qetë, sirenat kanë pushuar dhe toka e Izraelit dhe rajonit është në paqe falë Zotit. Ky nuk është vetëm fundi i luftës, por undi i një epoke terrori dhe fillimi i një kohe shprese për Izraelin dhe gjithë rajonin", u shpreh Trump.
Lini një Përgjigje