FLASH
Shkruar nga Pamfleti
Grupi i Shtetit Islamik ka marrë përsipër përgjegjësinë e shpërthimeve që lanë të vdekur mbi 100 njerëz dhe plagosën dhjetëra të tjerë në ceremoninë përkujtimore të Qasem Soleimanit në Iran.
Lajmin e konfirmoi vetë organizata në një postim në rrjete sociale.
Më herët Irani akuzoi Izraelin dhe SHBA se ishin të përfshirë në sulmin pranë varrit të Qassem Saleimanit, i cili u vra katër vite më parë nga një sulm amerikan në Irak.
Dy bomba shpërthyen dje, pak minuta larg njëra-tjetrës, pranë varrit të Qasem Soleimanit, i cili u vra nga një sulm amerikan në vitin 2020 në Irak.
Dy bombat e djeshme ndodhën, jo rastësisht, në katër vjetorin e vdekjes së Soleimanit, sulmuesit me sa duket të prirur të shkaktonin sa më shumë viktima që të ishte e mundur, pasi e dinin se turmat do të mblidheshin në zonë për përvjetorin.
Lini një Përgjigje