FLASH
Shkruar nga Pamfleti
Kryeministri britanik Rishi Sunak tha të enjten se ai planifikon të mbajë zgjedhje kombëtare në gjysmën e dytë të vitit 2024.
"Unë supozoj se do të kemi zgjedhje të përgjithshme në gjysmën e dytë të këtij viti dhe ndërkohë kam shumë gjëra me të cilat dua të merrem. Dua të vazhdoj, të rregulloj ekonominë dhe të ulim taksat. Gjithashtu dua të vazhdoj të merrem me imigracionin e paligjshëm. Kam shumë për të bërë dhe jam i vendosur të vazhdoj të jap rezultate për popullin britanik”, tha Sunak për gazetarët.
Gjatë një vizite në një qendër komunitare në Mansfield, Sunak u pyet nga një mbështetës se si mund t'ua transmetonte më mirë mesazhin e tij votuesve, duke thënë se motra e tij, dikur një votuese besnike konservatore, nuk do ta mbështeste partinë këtë vit.
"Unë do të dal dhe do të flas për këtë. Ju do ta shihni këtë nga unë çdo javë nga tani deri në zgjedhjet e ardhshme, do të flas me njerëzit në të gjithë vendin se si ne po përpiqemi t'ua bëjmë jetën më të mirë", shtoi ai.
Javët e fundit ka pasur spekulime se kryeministri mund të shpallë zgjedhje për muajin maj, kur do të zhvillohen zgjedhjet lokale.
Nga ana e tij, lideri laburist, Keir Starmer, akuzoi Sunak për pushtim të Downing Street për muaj të tërë, i pavendosur, ndërkohë që vendi do ndryshim. Ai tha se vendi dhe Partia e Punës ishin gati për zgjedhje.
Theksohet se data e fundit që zgjedhjet e ardhshme mund të mbahen ligjërisht është 28 janari 2025
Lini një Përgjigje