FLASH
Shkruar nga Pamfleti
Departamenti Amerikan i Shtetit ka reaguar pas shpërthimit të pajisjeve të komunikimit të militantëve të Hezbollahut në Liban, ku u shënuan 9 viktima dhe mbi 2800 mbetën të plagosur.
Shtetet e Bashkuara kanë thënë se po mbledhin informacion lidhur me ngjarjen.
Zëdhënësi i Departamentit të Shtetit, Matthew Miller, tha në një konferencë se SHBA nuk është e përfshirë në incident dhe nuk ka dijeni se kush është përgjegjësi i sulmit.
Ai u shpreh gjithashtu se SHBA-të janë të shqetësuara për çdo incident që mund të përshkallëzojë tensionet në Lindjen e Mesme dhe theksoi se dëshiron një zgjidhje diplomatike midis Izraelit dhe Hezbollahut.
Miller tha gjithashtu se është shumë herët për të gjykuar se si shpërthimet mund të ndikojnë në bisedimet e vazhdueshme të armëpushimit.
“Ne po mbledhim informacione për këtë incident”, përfundoi zyrtari i DASH.
Lini një Përgjigje