
Dhjetë persona mbetën të plagosur pas një shpërthimi që ndodhi ditën e sotme në provincën e Kocaelit në Turqinë perëndimore.
Mediat e huaja raportojnë se shpërthimi ka ndodhur pranë një magazine drithi në portin e Derinzës.
Deri më tani nuk janë zbardhur shkaqet e shpërthimit pranë kapanoneve të Organizatës Turke të Drithërave (TMO).
Bëhet me dije se shpërthimi ka ndodhur në orën 14:40, ndërsa policia po vijon hetimet.
Guvernatori i provincës, Sedar Yavuz, njoftoi fillimin e një hetimi për shkaqet e shpërthimit.
Lini një Përgjigje