FLASH
Shkruar nga Pamfleti
Shpërthimi ndodhi në një rezervuar që po i nënshtrohej mirëmbajtjes, por nuk u raportuan viktima apo të lënduar.
Një shpërthim në rafinerinë më të madhe të naftës në Turqi ka shkaktuar një zjarr të madh mbrëmjen e së enjtes në Izmit, duke detyruar autoritetet të evakuojnë punonjësit ndërsa ekipet e emergjencës luftuan për të vënë flakët nën kontroll.
Bëhet me dije se shpërthimi ndodhi në një depo benzine në rafinerinë TUPRAS Izmit, në provincën Kocaeli, gjatë orëve të para të mbrëmjes. Flakët u përhapën me shpejtësi, duke shkaktuar panik në kompleksin e madh industrial. Deri vonë, shërbimet zjarrfikëse vijuan përpjekjet për shuarjen e zjarrit, ndërsa të gjithë punonjësit e rafinerisë u evakuuan si masë paraprake.
Shkaku i shpërthimit mbetet ende i paqartë, teksa autoritetet nuk kanë dhënë informacion për viktima të mundshme apo për shkallën e dëmeve materiale.
???????????? Explosion at Turkish oil refinery TÜPRAŞ
— MAKS 25 ???????????? (@Maks_NAFO_FELLA) January 29, 2026
The company operates imported oil, including the Russian Urals brand. It owns four refineries and is a key player in the country's fuel market. pic.twitter.com/tbvWOEA3bg
Rafineria e Izmitit është një nga katër objektet e operuara nga kompania shtetërore që dominon sektorin e rafinimit të naftës në Turqi. Kjo rafineri ka një kapacitet përpunimi prej 11 milionë tonë naftë bruto në vit, duke e bërë atë më të madhën e kompanisë, krahas rafinerisë së Izmirit.
Drejtuesit e kompanisë dhe autoritetet lokale pritet të japin përditësime gjatë orëve në vijim.
Banorët e zonës shprehin shqetësim për mundësinë e rrjedhjeve të gazit dhe shpërthimeve të tjera, ndërsa autoritetet sigurojnë se janë marrë të gjitha masat për sigurinë publike dhe se situata po monitorohet nga afër.
Lini një Përgjigje