FLASH
Shkruar nga PamfletiPresidenti i SHBA, Donald Trump thotë se Nicolas Maduro dhe gruaja e tij është kapur nga ushtria amerikane dhe janë larguar nga vendi.
Shtetet e Bashkuara kanë nisur sulmet ushtarake kundër Venezuelës në orët e para të mëngjesit të së shtunës, në një përshkallëzim të ndjeshëm të përpjekjeve të Administratës Trump për të rrëzuar presidentin e vendit, Nicolas Maduro.
Presidenti i SHBA, Donald Trump thotë se lideri i vendit, Nicolas Maduro dhe gruaja e tij është kapur nga ushtria amerikane, në një postim në rrjetin social Truth.
Trump njoftoi të shtunën në mëngjes se SHBA-të kryen një “sulm në shkallë të gjerë kundër Venezuelës” dhe se Presidenti Nicolas Maduro dhe gruaja e tij janë kapur dhe larguar nga vendi.
"Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, Presidentit Nicolas Maduro, i cili, së bashku me gruan e tij, është kapur dhe është larguar me aeroplan nga vendi. Ky operacion u krye në bashkëpunim me forcat e ligjit të SHBA-së. Detajet do të vijojnë më poshtë. Do të ketë një konferencë për shtyp sot në orën 11:00 të paradites, në Mar-a-Lago. Faleminderit për vëmendjen tuaj ndaj kësaj çështjeje! President DONALD J. TRUMP.", shkruan Trump.
Disa shpërthime u raportuan nga dëshmitarët në kryeqytet, Karakas, duke filluar rreth orës 2 të mëngjesit sipas orës lokale. Videot e postuara në mediat sociale treguan shpërthime të mëdha dhe atë që dukej të ishte avion ushtarak amerikan që fluturonte ulët mbi qytet.
Ambasada amerikane në Venezuelë lëshoi një deklaratë në faqen e saj të internetit duke thënë se ishte në dijeni të raporteve për shpërthime në dhe përreth Karakasit.
Ambasada amerikane në Bogota , Kolumbi, po i paralajmëron gjithashtu qytetarët amerikanë të mos udhëtojnë për në Venezuelë.
Në deklaratën e saj, ambasada amerikane në Venezuelë këshillon qytetarët amerikanë të mos udhëtojnë për në vendin e Amerikës së Jugut dhe rekomandon " fuqimisht " që ata që ndodhen tashmë atje "të largohen menjëherë".
Qeveria venezuelase akuzoi drejtpërdrejt Shtetet e Bashkuara për atë që e cilësoi si “një agresion ushtarak jashtëzakonisht të rëndë”, duke pretenduar se janë goditur Karakasi dhe Miranda, Aragua dhe La Guaira. Në një deklaratë zyrtare, u bë e ditur se presidenti Nicolás Maduro ka firmosur shpalljen e gjendjes së emergjencës dhe ka urdhëruar aktivizimin e të gjitha planeve të mbrojtjes kombëtare.
“Të gjithë populli i Venezuelës dhe Forcat e Armatosura Kombëtare Bolivariane janë të dislokuara për të garantuar sovranitetin dhe paqen,” thuhet në deklaratë, ndërsa bëhet thirrje për mobilizim të forcave sociale dhe politike.
Pamje të verifikuara nga CNN tregojnë tym dhe shpërthime në Karakas, pranë zonës së Fort Tiuna, ku ndodhet Ministria e Mbrojtjes. Një dëshmitar, 25-vjeçari Carlos, tha: “Dëgjova një avion shumë afër dhe pashë shpërthimet nga dritarja.”
Shpërthime dhe zjarre të mëdha janë raportuar edhe në qytetin bregdetar Higuerote, rreth 80 kilometra në lindje të Karakasit, pranë një aeroporti lokal.
Presidenti i Kolumbisë, Gustavo Petro, reagoi ashpër duke shkruar në rrjetin X: “Po bombardojnë Karakasin. OKB dhe OAS duhet të mblidhen menjëherë.”
Pentagoni dhe Komanda Jugore e SHBA i kanë referuar pyetjet për Shtëpinë e Bardhë, e cila ende nuk ka dhënë një reagim zyrtar. Shkaku i saktë i shpërthimeve mbetet i paqartë.
Hajt ishalla kemben zvarre, nderhyrja eshte mesazh per cdo diktator qe i del kunder USA. Kur ti shtyp popullin tend dhe ai nuk te mbeshtet hap krahun, ndryshe.... e kane provuar Sadami, Kadafi, Asadi, po ju vjen radha mullaheve te Iranit. Mesazh per Kinen dhe Rusine te mos i afrohen shume oborrit te USA. Nuk ja del kush me USA eshte ne nivel qe bota se perception dot se cfare eshte ne gjendje te beje. Vjen e te arreston ne krevat me gruan, te rrofshin rojet.
Kjo eshte USA asekush nuk ja del.
Po me kete Maduron tone te gjate c'do behet?! Nisi 10 ushtar edhe ketej o hajvan, se po ben kerdine i gjati.
Do zoti të vijnë të kapin Ramën dhe Berishën
edhe kape edi rama e
Ky i merrka bashke me grate karte postale ne Amerike. Do e bejne burgun atje me duket. hajd ishalla
Modegjoni "hajvanin" tha i gjati. Venezuela eshte 20 mln banore. Ne qe jemi 2 mbase rrezistojme me shume. se di, i gjati i ka bere llogarite
Alarm i kuq per palloshin e gjate. Po tani?!?!?!!!!!
Lufta qellim kryesor ka anen ekonomike Lufta behet per Naften pa nuk i plas Trampit per anet e tjera sot droga ne USA nuk hyn vetem nga Venezuela Sot Droga futet nga Meksika , Kina dhe Kanadaja pse nuk ndodh e njejta gje me keto shtete ??