FLASH
Shkruar nga Pamfleti
Administrata Trump e kishte parashikuar që Teherani do të hakmerrej pas sulmeve ajrore të SHBA-ve mbi objektet bërthamore iraniane gjatë fundjavës, ka deklaruar sot për CNN një zyrtar i lartë i Shtëpisë së Bardhë.
“E dinim që do të hakmerreshin. Reaguan në mënyrë të ngjashme edhe pas vrasjes së Soleimanit”, tha zyrtari, duke iu referuar komandantit iranian Qasem Soleimani, i vrarë në një sulm amerikan në vitin 2020.
Sipas të njëjtit burim, vlerësimet fillestare tregojnë se raketat e lëshuara nga Irani të hënën nuk kanë goditur objektivat e tyre të synuara.
Ndërkohë, Ministria e Mbrojtjes së Katarit bëri të ditur se mbrojtja ajrore e vendit ka ndaluar një sulm me raketa iraniane ndaj bazës ajrore amerikane në territorin e tij.
Zyrtari shtoi gjithashtu se Presidenti Donald Trump është i gatshëm të përshkallëzojë përfshirjen ushtarake të SHBA-së nëse është e nevojshme, megjithëse ai vetë nuk dëshiron një zgjerim të konfliktit.
Trump pritet të zhvillojë një takim me zyrtarët e sigurisë kombëtare pasditen e së hënës dhe qëndrimi i tij mund të ndryshojë në varësi të zhvillimeve.
Lini një Përgjigje