FLASH
Shkruar nga Pamfleti
Presidenti francez, Emmanuel Macron, u shfaq pesimist pas samitit të organizuar nga Presidenti Donald Trump në Shtëpinë e Bardhë, lidhur me Ukrainën.
Shkaku i pesimizmit të Macron nuk ishin diskutimet, por fakti se Vladimir Putin do të dëshironte apo mbështeste paqen.
"Duke parë situatën dhe faktet, nuk e shoh Presidentin Putin shumë të gatshëm për të bërë paqe tani", tha presidenti francez për NBC News, në një intervistë pas takimit të nivelit të lartë në Shtëpinë e Bardhë. Në vijim ai shtoi " ndoshta po tregohem shumë pesimist."
Megjithatë, Macron u përpoq të mos e zbehte entuziazmin e Presidentit të SHBA-së Donald Trump në intervistë.
Brenda pak ditësh, presidenti i SHBA-së u takua fillimisht me Putinin dhe më pas solli Zelenskyn, Merzin, Macronin dhe disa krerë të tjerë shtetesh evropianë në Shtëpinë e Bardhë të hënën.
Trump me sa duket beson fuqimisht në një "marrëveshje" për Ukrainën.
“Optimizmi i presidentit tuaj është serioz. Pra, nëse ai mendon se mund të arrijë një marrëveshje, ky është një lajm i shkëlqyer dhe ne duhet të bëjmë gjithçka që mundemi për të arritur një marrëveshje të shkëlqyer”, tha Macron.
Lini një Përgjigje