FLASH
Shkruar nga Pamfleti
Ministri i Jashtëm rus, Sergey Lavrov, ka informuar homologun e tij amerikan, Marco Rubio, për vendimin e Moskës për të goditur objektet në Kiev që lidhen me forcat e armatosura ukrainase, ndërsa i ka kërkuar gjithashtu Shteteve të Bashkuara të evakuojnë personelin diplomatik nga kryeqyteti ukrainas.
Sipas Ministrisë së Jashtme ruse, gjatë një bisede telefonike të zhvilluar të hënën, Lavrov deklaroi se sulmet ruse përbëjnë një “përgjigje ndaj sulmeve të vazhdueshme terroriste nga regjimi i Kievit” kundër civilëve në territorin rus.
Moska tha se forcat e armatosura ruse kanë nisur “sulme sistematike” ndaj objekteve në Kiev që përdoren për nevojat e ushtrisë ukrainase, përfshirë edhe qendrat e vendimmarrjes.
Russian Foreign Ministry: FM Sergei Lavrov spoke with U.S. Secretary of State Marco Rubio and notified him of Moscow's intention to launch large-scale attacks on Kyiv.
— Open Source Intel (@Osint613) May 25, 2026
Në të njëjtën kohë, Lavrov i kërkoi Uashingtonit të tërheqë stafin e ambasadës amerikane nga Kievi, duke iu referuar paralajmërimit të mëparshëm të Ministrisë së Jashtme ruse drejtuar vendeve që kanë misione diplomatike në kryeqytetin ukrainas.
Sipas deklaratës ruse, Moska u ka bërë thirrje qeverive të huaja “të sigurojnë largimin e personelit diplomatik dhe qytetarëve të tyre nga Kievi”, në kushtet e rritjes së tensioneve dhe intensifikimit të sulmeve në rajon.
Lini një Përgjigje