FLASH
Shkruar nga Pamfleti
Ka shkuar në 40 numri i viktimave nga përplasja e dy trenave në Greqi ndërsa raportohet për dhjetëra të plagosur.
Mes të plagosurve u raportuan edhe fëmijë të moshave 6-7 vjeç.
Sipas të dhënave të publikuara nga mediat greke, aksidenti hekurudhor ka ndodhur në hyrje të luginës së Tempes, ku dy trenat janë përplasur me njëri-tjetrin.
Dhjetëra oficerë policie dhe 40 zjarrfikës morën pjesë në operacionet e shpëtimit.
Gjithashtu konfirmohet se tetë shqiptarë ishin mes pasagjerëve të trenave që u përplasën afër Larisës.
Dhimitër Zonga ishte në vagonin e fundit gjatë udhëtimit.
Ai u dërgua në spitalin e Selanikut dhe aktualisht ndodhet në shtëpi.
Përplasja ka ndodhur pak pas mesnate kur treni i pasagjerëve me destinacion nga Athina në Selanik është përplasur me një tren mallrash me drejtim të kundërt dhe ka marrë zjarr.
Sipas dëshmitarëve okularë dy vagonet e para janë shkatërruar tërësisht, ndërsa tre vagonë të tjerë të trenit të pasagjerëve kanë dalë jashtë shinave.
Mbi 40 ambulanca kanë shkuar në vendngjarje, si dhe repartet e zjarrfikësve me 150 vetë, 32 policë me 15 mjete kanë izoluar vendin e aksidentit , spitalet e gjithë zonës janë vënë në gatishmëri për të trajtuar të lënduarit.
Në vendngjarje ndodhet ministri i Shëndetësisë dhe kryeministri i vendit.
Lini një Përgjigje