FLASH
Shkruar nga Pamfleti
Izraeli ka deklaruar se do të mbështesë planet e Presidentit amerikan Donald Trump për të vendosur një bllokadë detare ndaj Iranit, ndërsa tensionet në Lindjen e Mesme vijojnë të përshkallëzohen.
Kryeministri Benjamin Netanyahu e bëri këtë deklaratë gjatë një mbledhjeje të kabinetit të hënën, pas dështimit të bisedimeve të paqes midis Shteteve të Bashkuara dhe Iranit, të zhvilluara gjatë fundjavës në Pakistan.
“Irani ka shkelur rregullat [e bisedimeve të paqes në Pakistan] dhe Presidenti Trump ka vendosur të vendosë një bllokadë detare”, tha Netanyahu gjatë takimit, sipas një videoje të publikuar nga zyra e tij. “Ne, sigurisht, e mbështesim këtë qëndrim të vendosur dhe jemi në koordinim të vazhdueshëm me Shtetet e Bashkuara.”
Ai shtoi se ishte informuar nga zëvendëspresidenti amerikan J.D. Vance pas përfundimit pa marrëveshje të negociatave në Islamabad. Sipas tij, Vance e kontaktoi nga avioni pas largimit dhe “e bëri të qartë se çështja qendrore është heqja e të gjithë materialit të pasuruar dhe sigurimi që të mos ketë pasurim të mëtejshëm”.
SHBA përmes kësaj mase, synon të rrisë presionin ndaj Teheranit, veçanërisht duke kufizuar eksportet e naftës përmes Ngushticës së Hormuzit, një korridor kyç për furnizimin global me energji.
Irani e ka cilësuar planin si të paligjshëm dhe ka paralajmëruar kundërpërgjigje, ndërsa disa vende europiane kanë theksuar nevojën për të ruajtur lirinë e lundrimit dhe stabilitetin në tregjet ndërkombëtare të energjisë.
Dole or KRIMINEL prap eahh!? "Ma i keq gergasesi se dorasesi". Me i keq nxitesi se eksekutuesi.